एजेन्सी –
Advertisement 1
फिलिपिन्समा आएको आँधीमा परी मृत्यु हुनेको संख्या २७ पुगेको अन्तर्राष्ट्रिय संचारमाध्यामहरुले जनाएका छन् ।
फिलिपिनस रक्षा कार्यालयले पनि आइतबार प्रतिवेदन जारी गर्दै २०२३ को सुरुदेखि आएका तीनवटा आँधीका कारण देशभर २७ जनाको ज्यान गएको जनाएको छ । एघार जना घाइते भएका र तीन जना बेपत्ताको पनि प्रतिवेदनमा उल्लेख गरिएको छ ।
Advertisement 2
मौसमविद्हरूले विपद्को जोखिममा रहेको देशमा लगातार भारी वर्षा हुने चेतावनी पनि दिएका छन् । भारी वर्षा र बाढीले क्रिसमस सप्ताहन्तदेखि देशको दक्षिणी र मध्य टापुहरूलाई त्रसित बनाएको र हजारौंलाई आफ्नो घर छोड्न बाध्य पारेको छ ।
८३ हजार भन्दा बढी मानिस विस्थापित केन्द्रहरूमा आश्रय लिएर बसेका र बाढी र भारी वर्षाका कारण १ हजार २ सयभन्दा बढी घरमा क्षति पुगेको सरकारी अधिकारीहरुले जानकारी दिएका छन् ।
Advertisement 3
फिलिपिन्स जलवायु परिवर्तनका प्रभावहरूका लागि सबैभन्दा जोखिममा परेका राष्ट्रहरु मध्ये परेको वैज्ञानिकहरूले चेतावनी दिएका छन् । आँधीहरू अझ शक्तिशाली बन्दै गएका छन् ।
प्रतिक्रिया दिनुहोस्